“Kubok oyunu avrokuboklarda çıxış etmək üçün ən qısa yoldur”. Apasport.az saytının məlumatına görə, bu sözləri Bakının AZAL klubunun baş məşqçisi Nazim Süleymanov deyib.

NBC Bank Azərbaycan kubokunun 1/8 final mərhələsində səfərdə “Rəvan”a 2:1 hesabı ilə qalib gələn “təyyarəçilər”in növbəti rəqibi “Turan” olacaq. Süleymanov rəqibin oyunundan da razı qalıb: “Bu gün görüşdüyümüz “Rəvan” I divizionda mübarizə aparmağına baxmayaraq, çox xoş təsir bağışladı. Mən "Rəvan"a I divizionda uğurlar arzu edirəm və onlara Unibank Premyer Liqasına vəsiqə qazanmağı arzulayıram".

“Rəvan”ın məşqçisi Füzuli Musayev 1/4 finala təcrübəsizlikdən çıxa bilmədiklərini söyləyib: "Bu gün futbolçularımız onlara verilən tapşırığı 90% yerinə yetirdilər. Meydançanın hər qarışı uğrunda mübarizə apardılar. Sözsüz ki, bugünkü oyunda AZAL-ın təcrübəsi öz sözünü dedi. Onlara Premyer Liqada uğurlar arzu edirik".

Mənbə: pfl.az

• Liqa 1: “Marsel”dən inamlı qələbə
• Premyer Liqa: "Arsenal"dan kritik xal itkisi, "Çelsi"dən darmadağın
• Turin derbisində qalib müəyyənləşmədi, "Milan"dan xal itkisi
• Bundesliqa: "Bayer"dən darmadağın, "Bavariya" xal itirdi
• La Liqada "Atletiko" qələbə qazandı, “Real Sosyedad” xal itirdi