“Biz Fatih Terimə təklif göndərməmişik”. Bunu apasport.az saytına açıqlamasında “Bakı” klubunun vitse-prezidenti Zeynal Məmmədov deyib.

2010-cu il dünya çempionatının seçmə mərhələsində uğursuz çıxışdan sonra Türkiyə yığmasının baş məşqçisi postundan istefa verən Fatih Terim hazırda işsizdir. Rusiya mətbuatında yer alan məlumata görə, Terim bu müddətdə yalnız “Bakı” klubundan təklif alıb. Amma Məmmədov “İmperator”a təklif göndərmələri ilə bağlı xəbərin düz olmadığını bildirib: “Bunlar boş söhbətlərdir. Almaniyalı çalışdırıcımız Vinfred Şafer postunda fəaliyyətini davam etdirir və hazırda baş məşqçi dəyişikliyi gündəmdə deyil”.

Qeyd edək ki, vaxtilə “Milan”ı da çalışdıran Terimin məşqçilik karyerasında ən böyük uğurları 2000-ci ildə “Qalatasaray”la UEFA kubokunu, bundan 8 il sonra yığma ilə Avropa çempionatının bürünc medalını qazanması olub.

• Liqa 1: “Marsel”dən inamlı qələbə
• Premyer Liqa: "Arsenal"dan kritik xal itkisi, "Çelsi"dən darmadağın
• Turin derbisində qalib müəyyənləşmədi, "Milan"dan xal itkisi
• Bundesliqa: "Bayer"dən darmadağın, "Bavariya" xal itirdi
• La Liqada "Atletiko" qələbə qazandı, “Real Sosyedad” xal itirdi