“Komandaya inamım böyükdür. Əsas yığma üçün layiqli boksçular yetişir”. Bunu apasport.az saytına açıqlamasında boks üzrə gənclərdən ibarət Azərbaycan milli komandasının baş məşqçisi Şamil Əlimcanov deyib.

Təcrübəli mütəxəssis avqustun 21-28-də İrlandiyanın paytaxtı Dublində keçiriləcək Avropa çempionatından uğurla qayıdacaqlarına inanır. Əlimcanov proqnoz verməkdə çətinlik çəksə də, mötəbər yarışda medalların sayının çox olacağına əmindir: “Hazırda Bakıda təlim-məşq toplanışını davam etdiririk. Uşaqlar öz üzərilərində səylə çalışırlar. Bunun bəhrəsini Avropa çempionatında görəcəyik. Konkret medallara gəlincə, bunu əvvəlcədən demək çətindir. Lakin onların sayı çox olacaq. Milli komandanın hər bir üzvünə böyük ümid bəsləyirəm. Nə qədər çox medal qazansaq, bu daha yaxşıdır”.

Qeyd edək ki, yığmamız Avropa çempionatında tam heyətlə (10 çəki dərəcəsində) təmsil olunacaq.

• Nəriman oynamadı, komandası qələbə qazandı
• “Beşiktaş”da baş məşqçi böhranı: Namizədlər bir-bir imtina edir
• Konte “Napoli”dən ayrılır? - KLUB PREZİDENTİ AÇIQLADI
• Portuqaliya Kuboku: 2-ci liqa komandası Avropa Liqasında!
• Türkiyə millisində ciddi itki - DÇ-də iştirak etməyəcək - YENİLƏNİB