Türkiyədə təlim-məşq toplanışını davam etdirən “Simurq” baxışa çağırdığı ilk legionerin taleyinə aydınlıq gətirib. Bu haqda apasport.az saytına məlumat verən klubun icraçı-direktoru Vaqif Əliyev Antalyada hazırlıq prosesinə dəvət etdikləri, adını açıqlamadığı türkiyəli hücumçunu bəyənmədiklərini bildirib: “Komandamıza baxışa türkiyəli futbolçu gəlmişdi. Ancaq o, bizə yaramadığından, geri qaytardıq. İndi başqa legionerlərin yolunu gözləyirik. Ancaq hələ ki gəlib çıxmayıblar. Menecerləri bizə deyib ki, yanvarın 20-21-ə gətirməlidir. Bildiyiniz kimi, ilk yoxlama oyunumuz yanvarın 21-də Qazaxıstanın “Kaysar” klubu ilə olacaq. Baxışa çağırdığımız legionerlər həmin matça gəlib, sınanmalıdırlar”.

Əliyev 3 legionerin gələcəyini bildirib: “Bunlardan 2-si Ukraynadan, 1-i Rusiyadandır. Ukraynalılar hücumçular, rusiyalı oyun qurucusudur. Bizə məhz mövqelərə futbolçular lazımdır”.

Mehman SÜLEYMANOV

• Ranyeri “Roma”dan ayrıldı
• Günün canlı yayımlanacaq matçları - TV AFİŞA
• "Real" son dəqiqədə xal itirdi: Çempionluq gedir
• "Napoli"dən qələbə: 2-ci yerə yüksəldilər
• "Bavariya"da Noyerin taleyinə aydınlıq gəldi