Flavinyo: Hər kəsi oyunda sınamaq nəticə qazanmaqdan daha vacibdir

21.01.2012 - 17:22

"Bu gün ikinci hazırlıq matçına çıxacağıq. Yoxlama oyununda dözümlük nümayiş etdirməliyik”. Apasport.az saytının məlumatına görə, bu fikirləri “Neftçi”nin braziliyalı futbolçusu Flavinyo deyib. Yarımmüdafiəçi klubunun rəsmi saytına açıqlamasında Antalyadakı təlim-məşq toplanışı çərçivəsində Qazaxıstan “Aktobe”si ilə oyun öncəsi fikirlərini açıqlayıb.

Flavinyo rəqibə qarşı daha sürətli futbol oynamağa çalışacaqlarını bildiri: “Yəqin ki, məşqçilər heyəti ötən qarşılaşmada olduğu kimi, bu dəfə də əksər futbolçulara şans verəcək. Belə olan halda, hər kəsi oyunda sınamaq nəticə qazanmaqdan daha vacibdir".