Messi Ronaldonun hegemonluğuna son qoydu

23.01.2012 - 09:42

Lionel Messi Kriştianu Ronaldonun hegemonluğuna son qoydu. Apasport.az saytının məlumatına görə, “Barselona”nın argentinalı hücumçusu İspaniya Primerosunda bombardirlər yarışında liderliyi ələ keçirib. Bu, Messinin son turda “Malaqa” üzərində 4:1 hesablı qələbə zamanı etdiyi het-trik sayəsində reallaşıb. O, buna 20-ci, 51-ci və 81-ci dəqiqələrdə vurduğu qollarla nail olub. İndi Lionelin hesabında 22 qol var ki, bu da dünyanın ən bahalı futbolçusu olan Ronaldonun 1 qol çoxdur. Madrid “Real”ının portuqaliyalı hücumçusu 21 dəfə fərqlənib.

Qeyd edək ki, Ronaldonun dünyanın ən yaxşı futbolçusu olduqdan sonra axır 3 ildə Messi “Qızıl top”u qazanır.