“Baxışa çağırdığımız legionerlərin gəlişi yubanır. Menecerlər onları “Kaysar”la matçımıza gətirəcəklərini desələr də, bəzi problemlər üzündən gəlib çıxmadılar. İndi Rusiyadan bir legionerin yolunu gözləyirik ki, yanvarın 25-də Kutaisi “Torpedo”su ilə oyunda onu sınayaq”. Bu fikirləri apasport.az saytına açıqlamasında “Simurq”un icraçı-direktoru Vaqif Əliyev deyib. Antalyada hazırlıq prosesini davam etdirən Zaqatala təmsilçisi Qazaxıstanın “Kaysar” klubu ilə 1:1 hesabı ilə nəticələnən yoxlama oyununda yaxşı təsir bağışlayan “Bakı”nın moldovalı sabiq hücumçusu Vyaçeslav Sofroninin keçidini qətiləşdirib. Əvəzində Əliyevin sözlərinə görə, baxışda olan “Turan”ın yarımmüdafiəçisi Rəşad Orucov “Simurq”a lazım olmayıb: “Rəşad həmin oyunda etimadı doğrulda bilmədi, öz qapımıza qol vurdu. Nəticədə qələbəni əldən verdik. Orucov komandamızda qalmayacaq və onu geri qaytaracağıq”.

Mehman SÜLEYMANOV

• FA Kuboku: “Siti” finalda
• “Real” onu icarəyə göndərir
• Ranyeri “Roma”dan ayrıldı
• Günün canlı yayımlanacaq matçları - TV AFİŞA
• "Real" son dəqiqədə xal itirdi: Çempionluq gedir