Millimizin oyunçusu “yatıb”, komandası sevinir

24.01.2012 - 09:53

Futzal üzrə Ukrayna çempionatında növbəti oyunlar keçirilib. Apasport.az saytının məlumatına görə, Azərbaycan milli komandasının üzvü Serjaonun çıxış etdiyi “Uraqan” “Lokomotiv”lə qarşılaşıb. Son Ukrayna çempionu bu qarşılaşmada 6:3 hesabı ilə qalib gəlib. Bu qələbədən sonra xal hesabını 26-ya çatdıran İvano-Frankovsk təmsilçisi 14 matçdan sonra 3-cü pillədə qərarlaşıb. Vurduğu 11 qolla bombardirlər yarışında 2-ci olan milliləşən futzalçımız bu qarşılaşmada qol vura bilməyib. Onun “yatması” liderlə fərqinin 8-ə çatmasına səbəb olub.

Qeyd edək ki, “Uraqan”dakı digər təmsilçimiz Biro Jade zədə üzündən neçə vaxtdır meydanlardan kənar qalıb.