Türkiyənin Antalya şəhərində təlim-məşq toplanışında olan Azərbaycan milli komandasının (U-21) hazırlıq çərçivəsində Macarıstandan olan həmyaşıdları ilə yoldaşlıq oyunu bu ölkənin futbol federasiyasının rəsmi saytında ətraflı şərh olunub. Apasport.az-ın məlumatına görə, 1:1 hesabı ilə başa çatan görüşdən sonra macarlar yığmamızdan belə oyun gözləmədiklərini bildiriblər.

Federasiya saytında almaniyalı mütəxəssis Bernard Lippertin başçılıq etdiyi millimizin oyuna sərt yanaşdığı da əks olunub: Azərbaycan milli komandası oyuna çox aqressiv başladı. Bu da heyətdə ciddi dəyişikliklərin olması ilə izah olunur. Aşağı yaş qruplarından cəlb olunan yenilər özlərini yaxşı tərəfdən göstərməyə çalışırdılar. İlk 5-10 dəqiqədə rəqibin futbolçusunu bir neçə oyunçumuz saxlayırdı. Oyundan sonra Azərbaycanın almaniyalı baş məşqçisi yetirmələrinin sərt oyunu üçün üzr istədi.

Qeyd edək ki, bu yığmamızın Antalyada ilk oyunu idi.

• Kouldan Messiyə mesaj - “Onu ayaq üstə yatızdıracağıq”
• Baloqunun cəzasını təkbaşına ləğv edib - FIFA-da qalmaqallı qərar
• Yan Sommer Belçika yolunda
• Uruqvayda yeni baş məşqçi: Dieqo Forlan millidə
• "Beşiktaş" Trossardla razılaşdı - 4 illik müqavilə