Yığmamızın rəqibi heyəti açıqladı

26.01.2012 - 11:00

Türkiyənin 17 yaşadək futbolçulardan ibarət milli komandasının heyəti açıqlanıb. Apasport.az saytının məlumatına görə, Antalyada təlim-məşq toplanışında olan Azərbaycan yığması ilə yoldaşlıq oyunları keçirəcək türkiyəlilərin baş məşqçisi Hakan Tecimer qarşılaşmalarda güvənə biləcəyi ilkin heyəti müəyyənləşdirib.

Fevralın 1-də və 3-də keçiriləcək oyunlara hazırlıq məqsədilə yanvarın 30-da Antalya Mardan Spor Kompleksində bur araya gələcək Türkiyə yığmasına bu futbolçular çağırılıb: Atabəy Çiçək, Yasin Davuş, Mustafa Ersel Şenol, Haydar Dəniz, İrfan Can Kahveçi (hamısı “Gənclərbirliyi”), Okan Koçuk, Ozan Tufan, Furkan Soyalp (hamısı “Bursaspor”), Əmrə Aydın, Muhammet Mahmut Əmir, Rəhman Buğra Çağıran (hamısı “Trabzonspor”), Aytürk Tekden (Antalyaspor), Ümit Karaal (Beşiktaş), Uygar Mərt Zeybek (Fənərbaxça), Murat Dəmir (Manisaspor), Taylan Antalyalı, Hasan Karakaş, Onur Yılmaz (hamısı “Bucaspor”), Zahid Kaya (Göztəpə), Əmrə Akdağ (Konyaspor), Yavuz Koç (Bəypazarı Şəkərspor), İbrahim Devrilən (Nürnberq, Almaniya), Özgür Özdəmir (Ayntraxt, Frankfurt, Almaniya), Fatih Ərən (Mets, Fransa), Səlim Kayaçı (Sent Etyen, Fransa).