“Qarabağ” üçün daha bir rəqib

08.07.2012 - 10:20

Qızılcahamamda təlim-məşq toplanışını davam etdirən “Qarabağ”ın yoxlama matçı keçirəcəyi növbəti rəqib müəyyənləşib. Apasport.az-ın klubun rəsmi saytına istinadən məlumatına görə, ilk olaraq “Zob Ahan”la qüvvəsini sınayan Qurban Qurbanovun yetirmələri Türkiyənin “Manisaspor” klubu ilə oynayacaqlar.

Qarşılaşma iyulun 13-də keçiriləcək. Ağdam təmsilçisi bu oyundan 1 gün sonra ilk hazırlıq mərhələsini başa vuraraq, Bakıya qayıdacaq.

Qeyd edək ki, “Qarabağ” ikinci yoxlama görüşünü iyulun 11-də “Traktorsazi”yə qarşı keçirəcək.