Maksim Medvedev sıraya qayıtdı

11.03.2013 - 13:18

“Qarabağ” artıq Zaqataladadır. Apasport.az-ın klubun rəsmi saytına istinadən məlumatına görə, Premyer Liqanın final mərhələsində “Simurq”un qonağı olacaq Ağdam klubu şimal rayonundadır.

Turnir cədvəlində qonşu olan komandaların dueli üçün “Qarabağ” Zaqatalaya dünən yollanıb. Komandada sadəcə Branimir Subaşiçin meydana çıxmayacağı dəqiqdir.

“Qəbələ” ilə görüşdən öncə əzələsini dartan Maksim Medvedev isə komandayla birgə Zaqatalaya yollanıb. Cəza səbəbindən “İnter”lə görüşü buraxan Ansi Aqolli də meydana çıxma durumundadır. “Qarabağ” bu gün oyunun keçiriləcəyi saatda sonuncu məşqini edərək hazırlıqlarını tamamlayacaq.

Qeyd edək ki, “Simurq” – “Qarabağ” oyunu sabah saat 17:00-da keçiriləcək.