11 oyundan sonra gələn qələbə

13.03.2013 - 13:45

“Simurq” Topaz Premyer Liqasının dünən keçirilən görüşündə “Qarabağ”a minimal hesabla qalib gəlməklə qələbəsiz oyunlar seriyasına son qoymuş oldu. Apasport.az saytının məlumatına görə, Zaqatala təmsilçisi 6 rəsmi görüşdən sonra qələbə qazandı.

Rəşad Eyyubovun vurduğu qolla qazanılan qələbə “Simurq” üçün ilin ilk qələbəsidir. Belə ki, “Simurq”un sonuncu qələbəsi ötən ilin dekabrın 20-də qeydə alınıb. Bu, bosniyalı çalışdırıcı Kemal Alispahiçin limiti pozmasına görə “Rəvan” üzərində qazanılan texniki qələbədir.

Əslində isə “Simurq”un qələbəsiz oyunlar seriyası 11-də dayanıb. Belə ki, Georgi Çixradzenin yetirmələri Antalyada hazırlıq keçərkən 5 yoxlama oyunu keçirib. Həmin qarşılaşmalarda isə “sarı-qaralar” qələbə üzünə həsrət qalıb.

17 yanvar. Yoxlama oyunu. Simurq – Akjayık (Qazaxıstan) 0:1

22 yanvar. Yoxlama oyunu. Simurq – MOİK (Bolqarıstan) 3:3

25 yanvar. Yoxlama oyunu. Simurq – Tom (Rusiya) 1:1

27 yanvar. Yoxlama oyunu. Simurq – Slaven Belupo (Xorvatiya) 0:3

31 yanvar. Yoxlama oyunu. Simurq – Petrolul (Rumıniya) 1:2

9 fevral. Premyer Liqa. AZAL – Simurq 1:1

17 fevral. Premyer Liqa. Simurq – Neftçi 0:2

22 fevral. Premyer Liqa. Simurq – Bakı 0:0

27 fevral. Kubok. Simurq – Neftçi 0:0

3 mart. Premyer Liqa. Kəpəz – Simurq 1:1

7 mart. Kubok. Neftçi – Simurq 1:0