Qurbanov məğlubiyyətin səbəbini açıqladı

13.03.2013 - 17:26

“Futbolçularımız ötən turun “Simurq”la oyununda olduğu kimi inamlı təsir bağışlamadılar”. Apasport.az saytının məlumatına görə, bu sözləri “Kəpəz”in baş məşqçisi Mahmud Qurbanov deyib.

Gənc çalışdırıcı Topaz Premyer Liqasının XXIII turunun AZAL-la oyunu haqda fikirlərini açıqlayıb. Qurbanov komandasının 1:3 hesablı məğlubiyyətinin səbəbini izah edib: “Çox səhvlər buraxdıq. Xüsusilə də müdafiədə yetərincə xətalarımız oldu. Məğlubiyyətin səbəbi də məhz müdafiədə diqqətli oynamamaq oldu”.”