Qurbanov futbolçularına 3 günlük istirahət verdi

13.03.2013 - 20:25

“Qarabağ” istirahətə buraxılıb. Apasport.az-ın klubun saytına istinadən məlumatına görə, Premyer Liqanın final mərhələsinin ilk turunda dünən “Simurq”la qarşılaşan Ağdam təmsilçisi dünən gecə Bakıya qayıdıb.

Milli oyunlarla əlaqədar olaraq yaranacaq fasilə ilə bağlı “Qarabağ”ın çalışdırıcısı Qurban Qurbanov futbolçulara 3 günlük istirahət verib. Komanda martın 16-da yenidən yığışaraq məşqlərə başlayacaq.

Qeyd edək ki, Premyer Liqada yaranmış fasilə martın 30-da başa çatacaq. “Qarabağ” həmin tarixdə “Qəbələ” ilə qarşılaşacaq.