17 ildən sonra

14.03.2013 - 09:11

Çempionlar Liqasının 1/8 final mərhələsinə yekun vurulduqdan sonra 1/4 finalçıların tam siyahısı müəyyənləşib. Apasport.az saytının məlumatına görə, kubok uğrunda mübarizəni davam etdirəcək 8 komanda 5 ölkəni təmsil edir. İspaniyanın 3, Almaniyanın 2 komandası ilə yanaşı Fransa, İtaliya və Türkiyə də 1/4 finalda təmsil olunub.

Bu dəfə 1/4 finalda İngiltərə klubu yer almayıb. Bu isə Çempionlar Liqasının tarixində nadir hadisədir. Sonuncu dəfə ingilislərsiz 1/4 final 1995/96 mövsümündə qeydə alınmışdı. 17 ildən sonra belə uğursuzluq yaşayan britaniyalılar ardıcıl 16 mövsüm 1/4 finalda ən azı 1 klubla təmsil olunurdu.