Eto’O üç həftəlik sıradan çıxdı

27.03.2013 - 23:35

Samuel Eto’Odan Mahaçqala “Anji”sinə şok xəbər. Apasport.az saytının məlumatına görə, təcrübəli hücumçu zədələnərək üç həftəlik sıradan çıxıb. Bu, DÇ-2014-ün seçmə mərhələsində milli komandasının heyətində baş verib.

Belə ki, Eto’O martın 23-də keçirilən Kamerun – Toqo qarılaşmasında dizindən zədələnib. Daha sonra tibbi müayinədən keçən Samuelin zədəsinin ciddi olduğu müəyyənləşib.

Qeyd edək ki, həmin matçda “Anji”nin forvardı dubl edərək komandasının 2:1 hesablı qələbə qazanmasında əsas pay sahibi olub.