Topaz Premyer Liqasının 2012/13 mövsümünün ən yaxşı bombardiri Nikola Kanalesə daha bir klub elçi düşüb. Apasport.az saytının məlumatına görə, Çilinin ən tanınmış klubu “Kolo Kolo” hücumçunu heyətində görmək istəyir.

Ötən mövsüm vurduğu qollarla “Neftçi”ni uğurlara daşıyan çilili legioner 1 illik fasilədən sonra vətəninə dönməyə yaxındır. Belə ki, “Kolo Kolo”nin baş məşqçisi Qustavo Benites 28 yaşlı futbolçunu yanında görmək istəyir. Mütəxəssis BƏƏ-yə üz tutan hücumçu Karlos Munyosun yoxluğunda məhz yaxşı tanıdığı Nikolası transfer etmək istəyir.

2010/11 mövsümündə Çilinin “Palestino” klubunu çalışdırdığı vaxt Kanalesə güvənən paraqvaylı mütəxəssis 1 il ərzində hücumçunun bacarığına şahid olmuşdu. Bu üzdən də indi də Benites onu sərəncamında görmək istəyir.

Lakin Kanalesin Azərbaycanda ən yaxşı bombardir olması “Kolo Kolo”nun planlarına əngəl ola bilər. Belə ki, “Neftçi” ilə müqaviləsinin uzadılması üçün maliyyə şərtlərinin yüksəldilməsini tələb edən hücumçu həmyerlilərinə də qiymət “oxuyub”. Benitesin komandası çətinliklə üzləşsə də yekun qərarını verməyib.

Qeyd edək ki, Kanalesi Çin və Rusiya klubları da heyətində görmək istəyir.

• "Çelsi"nin futbolçusu İspaniya klubunda
• "İnter Mayami"nin yeni baş məşqçisi müəyyənləşib
• Leao seçimini etdi - İngiltərədə çıxış edəcək
• Günün oyunları bu kanallarda - TV AFİŞA
• “Bayer”i İngiltərə klubuna dəyişdi - RƏSMİ