Təmsilçimiz “Bucaspor”da debüt etdi, komandası qazandı

28.07.2013 - 16:46

Azərbaycanlı futbolçu Ramal Hüseynovun şərəfini qoruduğu “Bucaspor” yeni mövsümün hazırlıqlarını davam etdirir. Apasport.az saytının məlumatına görə, Türkiyə klubu ötən gün ilk yoxlama oyununda qüvvəsini sınayıb.

PTT I liqa təmsilçisi klub bazasında “Menemen Bələdiyəspor”la münasibətlərinə aydınlıq gətirib. Qarşılaşmada təmsilçimizin komandası minimal hesabla qalib gəlib - 1:0. Görüşdə yeganə qolu 64-cü dəqiqədə Həsən Karakaş vurub.

Bu matçda Hüseynov debüt edib. O, fasilədən sonra Okanın yerinə meydana daxil olub və sonadək də mübarizə aparıb.