Azərbaycan yığması üçün milliləşdirilməyə potensial namizədlərdən olan Səid Əliyev Rusiya klubu “Veles”i tərk edib.

Apasport.az saytının məlumatına görə, aşağı liqa təmsilçisi ilə vidalaşan 22 yaşlı hücumçu azad agent statusu alıb.

Ancaq Əliyev tezliklə Rusiya Premyer Liqasında çıxış edə bilər. Çünki “Tombov” klubu onun xidmətində maraqlıdır. Futbolçu Krımda təlim-məşq toplanışında olan elita təmsilçisinin düşərgəsinə qoşulub. Baxışdan uğurla keçəcəyi təqdirdə Premyer Liqanın debütantı ilə rəsmi müqavilə imzalayacaq.

Qeyd edək ki, “Anji”nin yetirməsi olan dağıstanlı hücumçu “Luç” və “Nijni Novqorod”dan sonra keçən ilin yayında Moskva “Veles”inə üz tutub. Səid bu komandanın heyətində keçirdiyi 19 oyunda 4 qol vurub, 1 məhsuldar ötürmə verib.
 

• İlin ən yaxşı məşqçisi seçilib - Qvardiola 3-cü olub
• Joze Mourinyo hakimlik haqda: ”Belə bir şey görməmişəm”
• Arda Turan "Beşiktaş"a keçidi ilə bağlı: “Həmişə Qalatasaray”lı olduğumu söyləmişəm”
• Duşan Tadiç: "Kişi kimi məsuliyyəti boynumuza götürməliyik"
• “Ankaragücü” baş məşqçisi ilə yollarını ayırıb