Azərbaycan millisinin hücumçusu Ramil Şeydayev “Sabah”ın əsas komandasından sonra əvəzedici heyətinə də ziyan vurub.

Apasport.az saytının məlumatına görə, 25 yaşlı forvard birinci divizionun XVI turunda “Qaradağ Lökbatan”la görüşün 63-cü dəqiqəsində qırmızı vərəqə alıb.

Rəqib futbolçunun müdaxiləsindən sonra kiçik xəsarət alan Ramil ayağa qalxdıqdan sonra işlədiyi ifadələrə görə, baş hakim Fərid Hacıyev tərəfindən birbaşa qırmızı vərəqə ilə meydandan qovulub. Şeydayevin nə dediyi eşidilməsə də, güman ki, təhqiramiz sözlərdən istifadə edib.

Qeyd edək ki, hazırda ikinci hissəsi gedən görüşdə “Sabah-2” Kamran Quliyevin 17-ci dəqiqədə vurduğu yeganə qolla 1:0 hesabı ilə öndədir.
 

• El-Şaday Bitşiabu rəsmən “Qalatasaray”da
• FİFA Türkiyə klubunu cəzalandırıb
• “Real”ın futbolçusu cəzalandırıldı - sərxoş vəziyyətdə avtomobil idarə etdiyinə görə
• “Beşiktaş”da ayrılıq – JOAO MARİO KOMANDANI TƏRK ETDİ
• "Trabzonspor" "Zenit"lə qarşılaşacaq