Sənan Qurbanov şikayətləndi: "Mənə görə penalti idi"

01.02.2022 - 19:42

“Qarabağ"a qarşı oynamaq asan deyil”.

Apasport.az saytının məlumatına görə, bunu “Keşlə”nin baş məşqçisi Sənan Qurbanov “Qarabağ”a 0:1 hesabı ilə uduzduqları Azərbaycan kubokunun 1/4 final mərhələsinin ilk oyunundan sonra mətbuat konfransında deyib.

42 yaşlı mütəxəssis meydana məğlubiyyət üçün çıxmadıqlarını söyləyib: “Növbəti matçda şanslarımızı dəyərləndirməyə çalışacağıq. Qol imkanlarımız oldu, amma yararlana bilmədik”.

Qurbanov son dəqiqələrdə penaltilərinin verilmədiyini düşünür: “Mənə görə penalti idi. Amma icmala baxmaq lazımdır”.