Çempionlar Liqasının II təsnifat mərhələsində “Neftçi”nin potensial rəqibi olan “Olimpiakos” ciddi itki ilə üzləşib.

Apasport.az saytının məlumatına görə, Yunanıstan təmsilçisinin yeni transferi Tikinyo sıradan çıxıb.

Braziliyalı hücumçu Sofiya MOİK-i ilə yoxlama görüşündə çiynindən zədələnib. Həkimlər 30 yaşlı oyunçunun cərrahiyyə əməliyyatı keçirəcəyini və 2 ay yaşıl meydanlardan uzaq qalacağını açıqlayıb. Bu da o deməkdir ki, “Neftçi” I təsnifat mərhələsində Tbilisi “Dinamo”sunu (Gürcüstan) keçərsə, Tikinyo II raundda Azərbaycan çempionu ilə matçları buraxacaq.

Qeyd edək ki, “Neftçi”nin “Dinamo” ilə oyunları iyulun 7-də və 14-də keçiriləcək. Bu cütün qalibi II təsnifat mərhələsində 20-21 iyul və 27-28 iyul tarixlərində “Olimpiakos”la qarşılaşacaq.
 

• Zidan Fransada yeni qadağa qoydu – Bərbərlər bazaya buraxılmayacaq
• Dursun Özbekdən Okan Buruka tam dəstək – “27-ci çempionluğa gedirik”
• Almaniya millisində iki ciddi itki – Musiala və Haverts sıradan çıxdı
• Serdal Adalıdan “Qalatasaray”a atmaca: "Allah onlara səbir versin"
• Burak Yılmaz Superliqaya qayıtdı – “Çorum”un yeni baş məşqçisi oldu