"Çelsi"nin yarımmüdafiəçisi Romeo Lavia bu mövsüm bir daha oynamayacaq. 

Apasport.az klubun rəsmi saytına istinadən xəbər verir ki, belçikalı yarımmüdafiəçi bud nahiyəsindən zədə alıb və yaxın həftələrdə sağala bilməyəcək. 

Xatırladaq ki, Lavia bu mövsüm dekabrda “Kristal Pelas”la matçda meydanda olub. Lakin belçikalı matçda ombasından zədə alıb və o vaxtdan oynaya bilməyib. 

Qeyd edək ki, “Çelsi” yarımmüdafiəçi üçün 60 milyon avrodan çox təzminat ödəyib.