“Elvin Əsgərov yaxşı mənada bizi təəccübləndirdi . “Xəzər Lənkəran” rəsmilərinin iradlarını düzgün saymıram”. Bu sözləri apasport.az saytına AFFA Hakimlər Komitəsinin sədri Xaqani Məmmədov deyib.

Topaz Premyer Liqasının XXIV turunda “İnter”lə heç-heçə edən (1:1) “Xəzər Lənkəran” klubunun rəsmiləri görüşdən sonra referi Elvin Əsgərovun idarəçiliyindən narazılıqlarını bildirdilər. Lakin Məmmədovun fikrincə, matçın baş hakim düzgün qərarlar qəbul edib: “Xəzər Lənkəran”ın qapısına təyin olunan penalti təmizdir. Həmçinin, hər iki klub verilməyən penaltilərdən narazıdırlar. Amma onların iradları yersizdir. Əsgərov oyunu yaxşı idarə edib. Verdiyi qərarlar da düzgündür”.