Premyer Liqanın ikinci yarısına hazırlıqlarını davam etdirən “Keşlə” toplanışın Bakı mərhələsini başa vurub. Apasport.az saytının məlumatına görə, paytaxt təmsilçisi bu gecə Türkiyəyə gedəcək.

Gecə saatlarında yola düşəcək “Keşlə” sabah səhər Antalyaya çatacaq. “Adalya Elit Lara” otelində məskunlaşacaq Yuri Maksimovun yetirmələri fevralın 2-dək orda qalacaqlar. Komanda bu müddətdə 3 yoxlama görüşündə qüvvəsini sınayacaq. Belə ki, Maksimov yanvarın 26-da “Rabotniçki” (Makedoniya), 29-da “Karpatı” (Ukrayna), fevralın 1-də isə “Yenisey”lə (Rusiya) qarşılaşmada yetirmələrini yoxlayacaq.

Bu arada, çoxdandı yolu gözlənilən hücumçu Andre Klennon hazırda Bakıdadı. Kollektivlə birlikdə Antalyaya yollanacaq Yamayka millisinin üzvü “Keşlə” ilə 6 aylıq müqavilə imzalayacaq.

Finlandiyanın VPS klubunun digər üzvü Ebrima Sohna isə komandaya Antalyada qoşulacaq. Qambiya yığmasının yarımmüdafiəçisinin də mövsümün sonuna qədər sözləşmə bağlaması gözlənilir.

Qeyd edək ki, “Keşlə” istisna olmaqla, Azərbaycan Premyer Liqasının bütün klubları hazırda Antalyadadı.

• Genduzinin cəzası azaldıldı – “Aston Villa”ya qarşı oynayacaq
• Braziliya Avstraliya ilə bacarmayıb
• Zidan Fransada yeni qadağa qoydu – Bərbərlər bazaya buraxılmayacaq
• Dursun Özbekdən Okan Buruka tam dəstək – “27-ci çempionluğa gedirik”
• Almaniya millisində iki ciddi itki – Musiala və Haverts sıradan çıxdı