Topaz Premyer Liqasının VII turu çərçivəsində davam edən “İnter” – “Qarabağ” matçında qonaqlar inanılmaz jest ediblər. Apasport.az saytının məlumatına görə, görüşün 88-ci dəqiqəsində matçın baş hakimi Elvin Əsgərov meydan sahiblərinin qapısına təyin etdiyi penaltini Elvin Məmmədov bilərəkdən qapıdan kənara vurub.

Buna səbəb baş hakimin kobud səhvə yol verərək “İnter”in qapıçısı Georgi Lomayanın Reynaldoya qarşı qayda pozuntusuna əl atdığını iddia etməsi və penalti nöqtəsini göstərməsi olub.

Baş hakimin hadisə yerindən uzaq olması, köməkçilərinin isə ona heç nə deməməsi, gürcü qapıçının sonuncu ümid folu kimi dəyərləndirilərək, meydandan qovulmasını şərtləndirib.

Nəticədə, bütün əvəzetmələrdən istifadə etmiş “İnter”in qapısına 7 nömrəli futbolçu Nika Kvekveskiri keçib.

Lakin gürcü yarımmüdafiəçi az sonra topu qapısında görüb. Reynaldonun zərbəsi qarşısında Kvekveskiri “ağ bayraq” qaldırıb. (futbolinfo.az)

• Genduzinin cəzası azaldıldı – “Aston Villa”ya qarşı oynayacaq
• Braziliya Avstraliya ilə bacarmayıb
• Zidan Fransada yeni qadağa qoydu – Bərbərlər bazaya buraxılmayacaq
• Dursun Özbekdən Okan Buruka tam dəstək – “27-ci çempionluğa gedirik”
• Almaniya millisində iki ciddi itki – Musiala və Haverts sıradan çıxdı