Bu gün AVRO-2016-nın "pley-off" mərhələsinin püşkü atılıb. Apasport.az saytının məlumatına görə, İsveçrənin Nyon şəhərində keçirilən tədbirdə gələn il Fransada keçiriləcək final mərhələsinə son 4 vəsiqə uğrunda mübarizə aparacaq 8 komandanın rəqibləri bilinib
Bu komandalardan 4-ü səpələnmiş, digər 4-ü isə səpələnməmişlər səbətində yer alıb.
Qeyd edək ki, püşkatmada iştirak edən 8 komanda AVRO-2016-nın seçmə mərhələsini 3-cü pillədə başa vuraraq "pley-off"da oynamaq hüququ əldə ediblər.
A qrupunda çıxış edən Türkiyə yığması isə ən yaxşı qrup üçüncüsü kimi final mərhələsinə birbaşa vəsiqə qazanıb.
Səbətlər aşağıdakı kimi formalaşmışdı:
Səpələnmişlər: Bosniya və Herseqovina, Ukrayna, İsveç və Macarıstan
Səpələnməmişlər: Danimarka, İrlandiya, Norveç və Sloveniya
Püşkatmadan sonra rəqiblər bəlli olub:
1. Ukrayna – Sloveniya
2. İsveç – Danimarka
3. Bosniya və Hersoqovina – İrlandiya
4. Norveç - Macarıstan