Milli komandaların FİFA reytinqi ilə bağlı ehtimallar açıqlanıb. Apasport.az saytının məlumatına görə, ilin arxada qalan hissəsində baş tutan azsaylı yoxlama oyunları cədvələ cüzi təsir edəcək.

Bu səbəbdən də siyahıdakı 211 komandadan bəzilərinin mövqeyi dəyişəcək. Ötən ay açıqlanan cədvəllə müqayisədə yaşanan dəyişikliklər Azərbaycan millisinin mövqeyinə də təsir edəcək.

Yanvarda 281 xalla planetin 118-ci olan Qurban Qurbanovun yetirmələrini 1 addımlıq irəliləyiş gözləyir. Düzdü, komandamız Moldova ilə Türkiyədəki yoxlama oyununda qalib gələ bilməyib və qolsuz bərabərlik 6 xal itkisi ilə nəticələnib.

Lakin proqnozlar hesabındakı xallar 275-ə düşən millimizin 117-ci sıraya qalxacağını göstərir. Buna səbəb Qırğızıstanın 21 pillə aşağı yuvarlanmasıdı. Asiyalılar 116-cı yerdən 137-ciyə enəcək.

Millimiz və “qonşular”ı

113 (113). Sent-Kitts və Nevis – 290

114 (113). İordaniya – 286

115 (116). Ruanda – 281

116 (115). Nikaraqua - 278

117 (118). Azərbaycan – 275

118 (124). Sudan – 272

119 (138). Yəmən - 268

120 (119). KXDR - 267

120 (120). Yeni Zelandiya – 267

Dünyanın ən güclü 10 komandasının mövqeyində isə heç bir dəyişiklik olmayacaq.

İlk “onluq”

1 (1). Almaniya – 1601

2 (2). Braziliya – 1483

3 (3). Portuqaliya – 1357

4 (4). Argentina – 1348

5 (5). Belçika – 1325

6 (6). İspaniya - 1230

7 (7). Polşa - 1212

8 (8). İsveçrə - 1190

9 (9). Fransa – 1183

10 (10). Çili – 1152

Millimizin yoldaşlıq görüşündə qarşılaşacağı dəqiqləşən Makedoniya 445 xalla 74-cü olacaq. Balkanlıları 1 pilləlik geriləmə gözləyir.

Millətlər Liqasındakı rəqiblərimizdən Farer adaları 1 pillə irəliləyəcək, Malta eyni qədər geriləyəcək. Kosovonu isə 3 addımlıq inkişaf gözləyir.

Yığmamızın Millətlər Liqasındakı rəqibləri

96 (97). Farer adaları – 363

175 (178). Kosovo - 97

186 (185). Malta – 65

Qonşu Türkiyə yığması 2 pillə irəliləyəcək. “Ay-ulduzlular”ın 735 xalla 49-cu olması gözlənilir.

• Dursun Özbekdən Okan Buruka tam dəstək – “27-ci çempionluğa gedirik”
• Almaniya millisində iki ciddi itki – Musiala və Haverts sıradan çıxdı
• Serdal Adalıdan “Qalatasaray”a atmaca: "Allah onlara səbir versin"
• Burak Yılmaz Superliqaya qayıtdı – “Çorum”un yeni baş məşqçisi oldu
• Roberto Karlos Ronaldoya “10 il” verdi – “Nə vaxt istəsə, onda da gedəcək”