Antalyada millimizlə yoxlama görüşü keçirəcək Moldovanın yeni baş məşqçisi Aleksandr Spiridonun açıqladığı heyət birmənalı qarşılanmayıb. Apasport.az saytı bu ölkənin mətbuatına istinadən xəbər verir ki, təcrübəli çalışdırıcının 4 klubsuz futbolçuya dəvət göndərməsi yerli media üçün sürpriz olub.

Belə ki, İlie Çebanu, İon Jardan, Dan Spataru və Vladislav İvanov hazırda komanda axtarışında olsa da, Spiridon onları milliyə çağırmağı lazım bilib. Bundan əlavə, o, 3 futbolçuya yığmada debüt etmək şansı verib. Andrey və Valeri Makriçki qardaşları, həmçinin Özbəkistanın “Dinamo” klubunun üzvü Radu Roqakın ilk dəfə milliyə çağırılması da gözlənilməz olub.

Qeyd edək ki, yanvarın 27-də Cənubi Koreya ilə qarşılaşacaq moldovalılar 3 gün sonra Azərbaycanla oyun keçirəcəklər.

• Genduzinin cəzası azaldıldı – “Aston Villa”ya qarşı oynayacaq
• Braziliya Avstraliya ilə bacarmayıb
• Zidan Fransada yeni qadağa qoydu – Bərbərlər bazaya buraxılmayacaq
• Dursun Özbekdən Okan Buruka tam dəstək – “27-ci çempionluğa gedirik”
• Almaniya millisində iki ciddi itki – Musiala və Haverts sıradan çıxdı