Azərbaycan klubları ilə avrokuboklarda qarşılaşan ölkələrin sayı 43-ə çatıb. Apasport.az saytının məlumatına görə, rəqiblərimiz sırasına 43-cü kimi İngiltərə daxil olub.

Bu, Avropa Liqasının qrup mərhələsinin ilk turunda gerçəkləşib. İngiltərədə yerli “Tottenhem”lə “Qarabağ” arasında qarşılaşma qitə miqyaslı klub turnirlərində ilk Azərbaycan – İngiltərə dueli olub. Hazırda davam edən qarşılaşmayadək iki ölkə təmsilçiləri üz-üzə gəlməmişdi.

Cari mövsümdə Şotlandiya (“Seltik”) və İspaniya (“Atletik”) da rəqiblərimiz siyahısında daxil olmuşdu. Azərbaycan klubları özünün 21 illik avrokubok tarixində 43-cü ölkə təmsilçiləri ilə görüşü başladıqdan sonra qarşılaşmadığımız mümkün rəqiblərin sayı 9-a düşüb.

Belə ki, UEFA-ya 54 assosiasiya daxil olduğundan klublarımız 53 ölkə təmsilçisi ilə görüşə bilərdi. Amma UEFA qaydaları Azərbaycan və Ermənistan komandalarının üz-üzə gəlməsinə imkan vermədiyindən təmsilçilərimizin 52 potensial rəqib ölkəsi var. Bunlardan 43-cüsü ilə qarşılaşdıqdan sonra isə yalnız 9-u qalıb.

Bunlar Andorra, Cəbəllütariq, Lixtenşteyn, Lüksemburq, Macarıstan, Portuqaliya, Qazaxıstan, San-Marino və İrlandiyadı. Hələ ki, püşk bizi bu “doqquzluq”la üz-üzə qoymayıb.

• Almaniya millisində iki ciddi itki – Musiala və Haverts sıradan çıxdı
• Serdal Adalıdan “Qalatasaray”a atmaca: "Allah onlara səbir versin"
• Burak Yılmaz Superliqaya qayıtdı – “Çorum”un yeni baş məşqçisi oldu
• Roberto Karlos Ronaldoya “10 il” verdi – “Nə vaxt istəsə, onda da gedəcək”
• Türkiyə - Fransa matçı bu kanalda - TV AFİŞA