Azərbaycan millisinin dünən açıqlanan heyətində yer alan 21 futbolçudan 17-si indiyədək yığmanın formasını geyib. Apasport.az saytının məlumatına görə, bir neçə dəfə komandamızın toplanışına dəvət alan 4 oyunçu isə hələ rəsmi matçlarda debüt etməyib.

Debütünü gözləyənlər Aqil Məmmədov, Elnur Cəfərov, Pavel Paşayev və Rəhman Hacıyevdi. Onlar oktyabrın 10-da İtaliya ilə Bakıda, 3 gün sonra Bolqarıstanla Sofiyada baş tutacaq qarşılaşmalara ilk gözü ilə baxır.

Daha bir ilk isə Rəşad Sadıqovun adı ilə bağlı olacaq. Yığmamızın tarixində ən çox – 99 qarşılaşmaya çıxan 33 yaşlı müdafiəçi 100-cü matçına çıxacaq.  Millimizin kapitanı bunu bacaran ilk futbolçumuz kimi tarixə düşəcək.

1992-ci ildə yaranan yığmamızın 23 illik tarixində 100-ü fəth edən olmamışdı. Düzdü, UEFA və digər qurumların hesablamalarında Sadıqovun oyun sayı fərqli göstərilir. Lakin ölkəmizdə yığmanın 216 görüşə çıxması qəbul olunub və Rəşad bunların 99-da forma geyib.

“Qarabağ”da da Sadıqovun komanda yoldaşı olan Əfran İsmayılov da meydana çıxacağı ilk görüşdə yubiley qeyd edəcək. Növbəti matç yarımmüdafiəçi üçün millidə 25-ci olacaq.

“21-liy”in millidəki oyun və qol göstəriciləri

• Genduzinin cəzası azaldıldı – “Aston Villa”ya qarşı oynayacaq
• Braziliya Avstraliya ilə bacarmayıb
• Zidan Fransada yeni qadağa qoydu – Bərbərlər bazaya buraxılmayacaq
• Dursun Özbekdən Okan Buruka tam dəstək – “27-ci çempionluğa gedirik”
• Almaniya millisində iki ciddi itki – Musiala və Haverts sıradan çıxdı