“Qəbələ”nin estoniyalı hücumçusu Sergey Zenyovun zədəsi ciddi deyil. Bu barədə apasport.az saytına “qırmızı-qaralar”ın məşqçisi Sənan Qurbanov məlumat verib.

Estoniya yığmasının düşərgəsindən “Qəbələ”yə zədəli qayıdan futbolçu dünən tibbi müayinədən keçib. Məlum olub ki, Zenyovun vəziyyəti yaxşıdı. Məşqlərdə iştirak edən hücumçu özünü yaxşı hiss etdiyini bildirib.

Qurbanovun sözlərinə görə, Estoniya millisinin üzvü “İnter”lə çempionat oyunundan fərqli, Avropa Liqasında PAOK-la qarşılaşmada mütləq iştirak edəcək: “Ola bilsin, “İnter”ə qarşı matçda Zenyova istirahət verək. Amma PAOK-la oyunda meydana çıxması üçün heç bir problem yoxdu. O, həmin görüşdə “Qəbələ”yə kömək edə biləcək”.

Qeyd edək ki, Zenyov “Qəbələ” bu yay transfer olunub.

• Almaniya millisində iki ciddi itki – Musiala və Haverts sıradan çıxdı
• Serdal Adalıdan “Qalatasaray”a atmaca: "Allah onlara səbir versin"
• Burak Yılmaz Superliqaya qayıtdı – “Çorum”un yeni baş məşqçisi oldu
• Roberto Karlos Ronaldoya “10 il” verdi – “Nə vaxt istəsə, onda da gedəcək”
• Türkiyə - Fransa matçı bu kanalda - TV AFİŞA