Futzal üzrə Azərbaycan milli komandasının İranla yoxlama matçları keçirməsinin zəmin yaradan səbəb bəlli olub. Apasport.az saytının məlumatına görə, bunu Asiya təmsilçisinin baş məşqçisi Məhəmməd Nazomoşariya açıqlayıb.

O bildirib ki, planları pozulduğu üçün yığmamızla oynamağa məcbur olublar: “Sloveniya millisi ilə 2 yoxlama oyunu keçirməli idik. Lakin bu görüşlər baş tutması mümkün olmadı. Bu da bütün planlarımızı pozdu. Əvəzində yanvarın sonunda Bakıda Azərbaycan yığması ilə 2 yoldaşlıq oyunu keçirəcəyik”.

İran yığmasının Sloveniya ilə oyununun baş tutmamasına isə viza məsələləri mane olub. Belə ki, Balkan ölkəsinin Tehrandakı səfirliyi futzalçılara yanvarın 15-də təqdim etməli olduğu vizaları  verməyib. Baş məşqçi məsul yarış öncəsi zərbə aldıqlarını qeyd edib: “Çin Taypeyində keçiriləcək Asiya çempionatına hazırlaşırıq. Belə bir vaxtda viza problemi ilə üzləşməyimiz işimizi çətinləşdirdi”.

Qeyd edək ki, Azərbaycan və İran yığmaları yanvarın 23-də və 24-də üz-üzə gələcək. Bundan sonra yığmamız Sloveniyada Avropa, iranlılar isə Çin Taypeyində Asiya çempionatına qatılacaq.

• Genduzinin cəzası azaldıldı – “Aston Villa”ya qarşı oynayacaq
• Braziliya Avstraliya ilə bacarmayıb
• Zidan Fransada yeni qadağa qoydu – Bərbərlər bazaya buraxılmayacaq
• Dursun Özbekdən Okan Buruka tam dəstək – “27-ci çempionluğa gedirik”
• Almaniya millisində iki ciddi itki – Musiala və Haverts sıradan çıxdı