Azərbaycan millisinin sabiq futbolçusu Uğur Pamukun komandası "Manisaspor" Türkiyə I liqasında növbəti matçını keçirib. Apasport.az saytının məlumatına görə, manisalılar XX turun açılış qarşılaşmasında "Qaziantepspor"u qəbul edib.

Görüş meydan sahiblərinin üstünlüyü şəraitində keçib. Belə ki, "Manisaspor" ilk yarıdaca 3 qol vuraraq, qələbə qazanıblar. Qonaqların gücü yalnız təsəlli topuna çatıb (3:1). Start heyətində meydana çıxan və hücumçu mövqeyində çıxış edən Uğur komandasının 3-cü qolunun məhsuldar ötürməsini verib. 29 yaşlı futbolçu 71-ci dəqiqədə Ömər Buğdayçı ilə əvəzlənib.

Qeyd edək ki, bu qələbədən sonra xallarının sayını 14-ə yüksəldən "Manisaspor" turnir cədvəlində 17-ci pillədə qalıb.

• Zidan Fransada yeni qadağa qoydu – Bərbərlər bazaya buraxılmayacaq
• Dursun Özbekdən Okan Buruka tam dəstək – “27-ci çempionluğa gedirik”
• Almaniya millisində iki ciddi itki – Musiala və Haverts sıradan çıxdı
• Serdal Adalıdan “Qalatasaray”a atmaca: "Allah onlara səbir versin"
• Burak Yılmaz Superliqaya qayıtdı – “Çorum”un yeni baş məşqçisi oldu