“Liverpul”un yarımmüdafiəçisi Filipp Koutinyo İspaniya nəhənglərinin təklifinə cavab verib. Apasport.az saytı xəbər verir ki, “Barselona” və “Real”ın maraq dairəsində olan ulduz futbolçu İngiltərədən ayrılmaq fikrində deyil.

Braziliyalı futbolçu İngiltərə mətbuatına açıqlamasında “Liverpul”da qalmaq istədiyini bildirib: “Liverpul”la yeni müqavilə imzalamaq üzrəyəm. Nə “Barselona”, nə də “Real”a keçmək barədə düşünürəm. Yaxın gələcəkdə belə bir transferin reallaşacağına inanmıram. Hələ ki, “Liverpul”da hər şey məni qane edir. Bu klubun formasını geyinməkdən məmnunam”.

Qeyd edək ki, Koutinyo “Liverpul”a 2013-cü ildə “İnter”dən keçib.

• Günün canlı yayımlanacaq matçları - TV AFİŞA
• Genduzinin cəzası azaldıldı – “Aston Villa”ya qarşı oynayacaq
• Braziliya Avstraliya ilə bacarmayıb
• Zidan Fransada yeni qadağa qoydu – Bərbərlər bazaya buraxılmayacaq
• Dursun Özbekdən Okan Buruka tam dəstək – “27-ci çempionluğa gedirik”