Messi 53 milyon avro vergi ödəyəcək

18.07.2014 - 19:29

“Barselona”nın hücumçusu Lionel Messi təqvim ili ərzində İspaniyada ümumilikdə 53 milyon avro vergi ödəyəcək. Apasport.az saytının məlumatına görə, bura futbolçunun məvacibindən, əmlakından və sponsor müqavilələrindən tutulacaq vergi, eləcə də 2010-2012-ci illərdə vaxtında ödəmədiyi 22,4 milyon avro daxildir.

Bundan əlavə, Messinin 2007-2009-cu illərdə gəlirlərinin bir hissəsini gizlətməsi səbəbindən, ona cərimə tətbiq edilə bilər və bu zaman futbolçunun vergi ödəməsi daha 3 milyon avro artacaq.

Argentinalı hücumçu 7 il ərzində ümumilikdə 100 milyon avro vergi ödəyib. Bu zaman onun gəliri 200 milyon avrodan çox olub.