Samuel Eto`o “Antalyaspor”un heyətindən kənarlaşdırılıb. Apasport.az saytının məlumatına görə, buna səbəb futbolçunun sosial şəbəkədə yazdığı fikirlərdi.

Belə ki, kamerunlu oyunçu öz instaqram hesabında belə bir qeyd paylaşıb: “Görürəm ki, bəziləri mənə hörmət eləmirlər, çünki rəngim qaradır”.

Bu ifadə isə klub rəhbərliyinin xoşuna gəlməyib. Bu səbəbdən də əsas komandanın heyətindən kənarlaşdırılan ulduz oyunçu hələlik fərdi məşqlərlə məşğuldur.

Qeyd edək ki, Eto`o haqqında son qərar klubun İdarə Heyətinin iclasında veriləcək.