Topaz Premyer Liqası: Nümunəvi və intizamsızlar

09.04.2014 - 11:00

Topaz Premyer Liqasının ən intizamsız futbolçularının siyahısı müəyyənləşib. Apasport.az saytının məlumatına görə, mövsümün 29 turundan sonra bu siyahıya AZAL-ın futbolçusu Aleksandr Şemonayev başçılıq edir. 13 matçda cəzalanan arxa xətt oyunçusu 11 görüşdə xəbərdarlıq alıb, 1 dəfə iki sarı vərəqə, 1 dəfə isə birbaşa qırmızıya layiq görülüb

Ümumilikdə, 21 futbolçu mövsüm ərzində 8 və daha çox vərəqə ilə cəzalanıb. Şemonayevdən başqa, Mişel Balakoq, Brino Bertuççi, Vurğun Hüseynov da iki dəfə meydandan qovulub. Komandasını 2 qarşılaşmada azlıqda qoyan digər 4 oyunçunun isə ümumi vərəqə sayı azdır. Bu da Elvin Yunuszadə, İlkin Qırtımov, Ruslan Qurbanov, Ağabala Ramazanovun sarı vərəqələrinin az olması ilə bağlıdır.

Qeyd edək ki, mövsümün ən intizamlı futbolçusu isə “Qarabağ”ın yarımmüdafiəçisi Marinaldo da Silvadır. İntizamsızlara nümunə olan və Çumbinyo kimi tanınan legioner vərəqə almayanlar arasında hamıdan çox – 28 oyun və 2465 dəqiqə meydanda olub.

Topaz Premyer Liqasında 8 və daha çox vərəqə alan futbolçular

futbolçu	Klubu	sarı	2-ci sarı, qırmızı	Birbaşa qırmızı	Cəmi
Aleksandr Şemonayev	AZAL	11	1	1	15
Mişel Balokoq	Rəvan	7	1	1	11
Brüs Abdulaye	İnter	11	0	0	11
Vurğun Hüseynov	Sumqayıt	4	2	0	10
Cəmşid Məhərrəmov	Rəvan	7	1	0	10
Mahir Şükürov	Neftçi	7	1	0	10
Miloş Adamoviç	Rəvan	7	1	0	10
Viktor İqbekoyi	AZAL	7	1	0	10
Elnur Allahverdiyev	Qəbələ	7	1	0	10
Erik Ramos	Neftçi	9	0	0	9
Karlos Kardoso	Neftçi	8	0	1	9
Novruz Məmmədov	Rəvan	9	0	0	9
Bruno Bertuççi	Neftçi	4	1	1	8
Ailton Jose Junior	AZAL	7	0	1	8
Araujo Santos	Bakı	8	0	0	8
Baçana Sxadadze	İnter	8	0	0	8
Lorenzo Ebesilio	Qəbələ	8	0	0	8
Oskar Klyava	AZAL	7	0	1	8
Pərdis Fərcad-Azad	Sumqayıt	8	0	0	8
Rəşad Eyyubov	Simurq	8	0	0	8
Riçard Almeyda	Qarabağ	8	0	0	8