"Sərhədçi" Olimpiya İdman Mərkəzində U-23 cüdoçular arasında Bakı şəhər açıq birinciliyinə start verilib. Apasport.az saytının məlumatına görə, 2 gün davam edəcək paytaxt birinciliyinin ilk günündə qızlarda bütün çəki dərəcələrində, oğlanlarda isə 60 və 66 kq çəki dərəcələrində mübarizə aparan gənc cüdoçular arasında qaliblərin adlarına aydınlıq gələcək.

Azərbaycan Cüdo Federasiyası, Bakı şəhər Gənclər və İdman Baş İdarəsinin birgə təşkilatçılığı ilə keçirilən yarışda 30 klubdan 288 cüdoçu (254 oğlan, 34 qız) mübarizə aparır.