Azərbaycan millisi seçmə mərhələlərdə 10-cu qələbəsini qazanıb. Apasport.az saytının məlumatına görə, yubiley qələbəsi AVRO-2016-nın seçmə mərhələsinin Malta ilə ev oyununa təsadüf edib.
Cırtdan ölkə təmsilçisini 2:0 hesabı ilə məğlub edən yığmamız bunadək 9 dəfə seçmə oyununda 3 xal qazanmışdı. Komandamız 10-a 103-cü oyunda çatıb.
Robert Prosineçkinin rəhbərliyi altında debüt oyununda qələbə qazanan millimiz 10 qələbədən 4-nü Berti Foqtsla əldə edib. Xorvatiyalı kimi Kazbek Tuayev, Şahin Diniyev, Əsgər Abdullayev, Əhməd Ələsgərov, İqor Ponomaryov 1 seçmə mərhələ qələbəsinə sevinib.
Yığmamız 1996-cı il Avropa, 2006-cı il dünya çempionatının seçmə mərhələsində qələbəyə həsrət qalıb. 1998, 2002, 2010, 2014 mundialları yolunda 1, 2000, 2004, 2008-də keçirilən qitə çempionatlarının seçmələrində 1 qələbə əldə edən yığma AVRO-2012-də 2 dəfə 3 xalın sevincini yaşayıb.
DÇ-1998
31 avqust 1996. Bakı. DÇ. Azərbaycan – İsveçrə - 1:0
AVRO-2000
5 iyun 1999. Bakı. AÇ. Azərbaycan – Lixtenşteyn - 4:0
DÇ-2002
6 iyun 2001. Bakı. DÇ. Azərbaycan – Slovakiya - 2:0
AVRO-2004
11 iyun 2003. Bakı. AÇ. Azərbaycan – Serbiya və Çernoqoriya - 2:1
AVRO-2008
28 mart 2007. Bakı. AÇ. Azərbaycan – Finlandiya - 1:0
DÇ-2010
10 oktyabr 2009. Vaduts. DÇ. Lixtenşteyn - Azərbaycan - 0:2
AVRO-2012
12 oktyabr 2010. Bakı. AÇ. Azərbaycan - Türkiyə - 1:0
6 sentyabr 2011. Bakı. AÇ. Azərbaycan – Qazaxıstan - 3:2
DÇ-2014
11 oktyabr 2013. Bakı. DÇ. Azərbaycan – Şimali İrlandiya - 2:0
AVRO-2016
28 mart 2015. Bakı. AÇ. Azərbaycan – Malta – 2:0