“Gənclər arasında Avropa çempionu, iki dəfə Avropa üçüncüsü olmuşdum. Avropa Oyunlarında qazandığım gümüş medal daha əhəmiyyətlidi. Tək mənim üçün yox, bütün komanda üçün bu, fəxrdi”. Bunu apasport.az saytına açıqlamasında I Avropa Oyunlarının gümüş mükafatçısı olan Azərbaycan samboçusu Vasif Səfərbəyov deyib.

Kişilərin yarışında +100 kq çəki dərəcəsində mübarizə aparan Səfərbəyov finalda Rusiya təmsilçisi Artyom Osipenkoya məğlub olaraq, gümüş medalla kifayətlənib.

Səfərbəyov bildirib ki, final görüşündə ani səhv ucbatından məğlub olub: “Dözümüm çatmadığı üçün həmin səhvə yol verdim. Buna görə də, finalda məğlubiyyətlə üzləşdim”.