Avropa Liqasının I təsnifat mərhələsinin ilk oyunları çərçivəsində baş tutan “Dinamo” (Tiflis, Gürcüstan) – “Qəbələ” matçının statistikası açıqlanıb. Apasport.az saytının məlumatına görə, UEFA Tiflisdəki Boris Payçadze adına “Dinamo Arena”dakı qarşılaşmada komandaların statistik göstəricilərini hesablayıb.

Meydan sahiblərinin 2:1 hesabı ilə qalib gəldiyi görüşdə təxminən bərabər səviyyəli oyun gedib. Komandalar eyni sayda – hərəyə 12 zərbə vursa da, “Dinamo” daha dəqiq olub. “Qəbələ” isə künc zərbələrində üstün olub.