Bakıda keçirilən şahmat üzrə Dünya Kubokunda bu gün 1/16 final mərhələsinin cavab oyunları baş tutub. Apasport.az saytının məlumatına görə, III mərhələdə mübarizəni davam etdirən Azərbaycan millisinin 3 qrossmeysteri də ikinci görüşlərinə çıxıblar.
Həmyerlilərimizdən Şəhriyar Məmmədyarov Seturamanla cavab matçında heç-heçə etsə də, ilk qarşılaşmadakı qələbə mərhələ adlaması ilə nəticələnib. Teymur Rəcəbov isə növbəti dəfə “sülhsevər”liyini nümayiş etdirib. O, Peter Svidlerlə ikinci görüşündə də xalı yarı böldüyündən mübarizəni tay-brekdə davam etdirəcək.
Onlardan fərqli, Qədir Hüseynov Dünya Kuboku ilə vidalaşıb. Birinci oyunda Dinq Lirenlə heç-heçə edən qrossmeysterimiz bu dəfə məğlub olub və yarışla vidalaşıb.
Dünya Kuboku
1/16 final, cavab oyunları
Teymur Rəcəbov (Azərbaycan) - Peter Svidler (Rusiya) - 0,5:0,5
İlk oyun: 0,5:0,5
Qədir Hüseynov (Azərbaycan) - Dinq Liren (Çin) - 0:1
İlk oyun: 0,5:0,5
Şəhriyar Məmmədyarov (Azərbaycan) - Seturaman (Hindistan) - 0,5:0,5
İlk oyun: 1:0
Qeyd edək ki, həmyerlilərimizdən Eltac Səfərli və Vasif Durarbəyli ilk, Rauf Məmmədov ikinci mərhələdə mübarizəni dayandırıb.