UEFA-nın Apelyasiya Komitəsinin iclası keçirilib. Apasport.az saytının məlumatına görə, yığıncaqda Türkiyənin “Beşiktaş” klubunun şikayətinə baxılıb.
İstanbul təmsilçisi quruma Avropa Liqasının ötən mövsümünün “Lion”la 1/4 final oyunundan sonra İntizam Komitəsi tərəfindən aldığı cəzadan narazılıq bildirib. Lakin Apelyasiya Komitəsi “Beşiktaş”ın şikayətini təmin etməyib və cəza qüvvədə qalıb.
Qeyd edək ki, aprelin 13-də keçirilən oyundan sonra UEFA Türkiyə klubunu 100 min avro cərimələyib və “ağ-qaraıar”ı 2 illik sınaq müddəti ilə avrokuboklardan 1 illik şərti kənarlaşdırıb. Buna oyundan öncə azarkeşlərin meydana kənar əşyalar, o cümlədən fişənglər atmasına görə matçın startının yubanması səbəb olmuşdu.