“Qalatasaray”ın ulduz futbolçusu Didye Droqba “GQ” jurnalına maraqlı açıqlama verib. Apasport.az saytının məlumatına görə, hücumçu “Qalatasaray”la çempion olmağı “Çelsi” ilə çempion olmaqdan üstün tutduğunu bildirib.

Droqba bununla bağlı deyib: “Mən “Çelsi” ilə 3 dəfə çempionluq yaşamışam, “Qalatasaray”la isə cəmi 1 dəfə. Bu səbəbdən də, “Qalatasaray”la çempionluğu daha üstün sayıram”.

Hücumçu “Çelsi”dən ayrılandan sonra onun yerinin boş qaldığı barədə iddianı da rədd edib: “Orada oynaya futbolçuların kifayət etdiyini düşünürəm. Bəlkə də, çox qol vurmurlar. Amma “Çelsi”nin qələbə qazanmasına kifayət edir”.