Türkiyə Superliqasında III tura yekun vurulub. Apasport.az saytının məlumatına görə, ilk oyun günündə azarkeşlər bir qarşılaşma izləyib.

“Əskişəhərspor” “Gənclərbirliyi”ni qəbul edib. Meydan sahibləri gözlənilmədən qonaqlara məğlub olublar. Hər hissədə 1 qol vuran Ankara klubu görüşdən qalib ayrılıb – 2:1.

Növbəti gün isə lider “Qalatasaray” səfərdə “Balıkəsirspor”la qarşılaşıb. “Cim-Bom” gözlənilmədən rəqibinə 0:2 hesabı ilə uduzub.

“Fənərbaxça” “Qaziantepspor”la üz-üzə gəlib. Görüşün 82-ci dəqiqəsində Əmrənin penaltidən yeganə qolu İstanbul klubuna qələbə qazandırıb.

Turun son qarşılaşmalarında “Trabzonspor” “Başakşəhər”lə, “Beşiktaş” isə “Bursaspor”la səfər matçına çıxıb. “Trabzonspor” uzatma dəqiqələrində vurduğu qolla məğlubiyyətdən xilas olubsa, “qara qartallar” görüşün sonunda fərqlənməklə qələbə qazanıb.

Qeyd edək ki, bu nəticədən sonra “Beşiktaş” lider “Akhisar” və “Fənərbaxça” ilə xallarını bərabərləşdirib.

Türkiyə çempionatı

III tur

19 sentyabr (cümə)

“Əskişəhərspor” – “Gənclərbirliyi” - 0:2
Qollar: Cifci, 31; Stanku, 86

20 sentyabr (şənbə)

“Ərciyəsspor” – “Akhisar" - 1:2

Qollar: Alkılıç, 33 - Gekas, 53; 90

“Balıkəsirspor” – “Qalatasaray” - 2:0

Qollar: Yıldirım, 22, Ünal, 44

“Mersin İdmanyurdu” – “Rizəspor” - 2:0

Qollar: Çətin, 13, Kaloğlu, 82

21 sentyabr (bazar)

“Kasımpaşa” – “Karabükspor” - 2:1

Qollar: Vyudes, 37, Çolak, 88 – Kumbela, 16

“Sivasspor” – “Konyaspor” - 0:0

“Fənərbaxça” – “Qaziantepspor” - 1:0

Qol: Əmrə, 82-pen

22 sentyabr (bazar ertəsi)

“Başakşəhər” – “Trabzonspor” – 1:1

Qollar: Vişça, 47 – Kardoso, 90+3-pen.

“Bursaspor” – “Beşiktaş” – 0:1

Qol: Olcay, 86