Azərbaycan Premyer Liqasının 2016/17 mövsümündəki tamaşaçı sayı bəlli olub. Apasport.az saytının məlumatına görə, 28 turda baş tutan 112 oyunu 225 min 774 tamaşaçı izləyib.

Nəticəsi ləğv olunan “Zirə” – “Neftçi” matçını da nəzərə alsaq, orta tamaşaçı sayı 2016-ya bərabər olub.

Mövsümün tamaşaçılarının yarıdan çoxu “Kəpəz”in ev oyunlarına təsadüf edib. Gəncə təmsilçisi 14 ev qarşılaşmasında 113 min 338 tamaşaçı toplayıb. Qərblilərin orta göstəricisi 8096-ya bərabərdi.

Bölgə klubları cədvəlin ilk yarısında – 1-4-cü yerlərdə qərarlaşıbsa, paytaxt təmsilçilərin son sıralarda yer alıb. 2-ci pillədə “Qarabağ” qərarlaşıb. Ağdamlılar liderdən təxminən 4,5 dəfə geri qalır. 3-cü sırada “Sumqayıt”, 4-cü pillədə isə “Qəbələ” yer alıb.

Bakı təmsilçiləri arasında ən yaxşı nəticə “Neftçi”yə məxsusdu. Azarkeşləri “Neftçi”nin cari mövsümdə öyünə biləcəyi yeganə məqamdı. Çempionatda 7-ci olan komanda azarkeşlərinə görə 5-cidi. Hər oyunda “ağ-qaralar”ı 1200 nəfər izləyib.

Digər üç komanda isə bu rəqəmdə 1000-ə həsrət qalıb. Ən az sevilən klub AZAL-dı. Autsayder “Zirə” və “İnter”ə də həsəd aparır. AZAL-ın 14 oyunda yığdığı ümumi azarkeş sayı “Kəpəz”in bir matç üçün orta göstəricisindən aşağıdı.

Qeyd edək ki, mövsümün rekordu VI turun “Kəpəz” – “Qarabağ” matçında qeydə alınıb. Həmin oyunu 14 min 238 nəfər seyr edib. Ən az tamaşaçının izlədiyi üç oyunun hərəsində 150 tamaşaçı olub.

• Yusuf Yazıcı üçün 4 namizəd
• Flik: “Barselona” Çempionlar Liqasını qazana bilər”
• "Milan"da ciddi narazılıq: Baş məşqçi ilə yollar ayrılır
• "Dinamo"da 9 qolun cəzası baş məşqçiyə kəsildi
• "Bavariya" "Bayer"in əsas müdafiəçisi ilə anlaşıb