Nant. Elşən Məmmədov-APA-Sport. Bu gün Fransanın Nant şəhərində 2008-ci il Pekin Yay Olimpiya Oyunlarına lisenziya xarakterli Avropa seçmə turnirinin startı verilib. «APA-Sport» agentliyinin məlumatına görə, yarışda Azərbaycanı 2 idmançı - Nəriman Abdullayev və Billurə Eminova təmsil edir. Kişilərin mübarizəsində A qrupunda yer alan N.Abdullayev ilk görüşünü çexiyalı Tomas Pavelkaya qarşı keçirib. Dörd setədək davam edən qarşılaşma T.Pavelkanın 11:2, 11:5, 11:1 və 11:3 hesablı üstünlüyü ilə başa çatıb. Ümumi nəticədə çexiyalı stolüstü tennisçi qələbə qazanıb – 4:0. N.Abdullayev növbəti matçda rumıniyalı Adrian Krisanla üz-üzə gələcək. I turdan sonra həmyerlimiz 5 idmançı arasında sonuncu pillədə qərarlaşıb. Qadınların mübarizəsində D qrupunda yer alan B.Eminova isə ilk oyununda litvalı Ruta Pasauskiene ilə qarşılaşacaq.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib