Bakı. Kənan Həsənov-APA-Sport. Soçi şəhərində təşkil edilən şahmat üzrə klublararası Rusiya Premyer Liqasında bu gün 2-ci turun oyunları keçiriləcək. “APA-Sport” agentliyinin məlumatına görə, Azərbaycan milli komandasının lideri Teymur Rəcəbovun çıxış etdiyi iddialı “Ural” klubu “Ekonomist-SQSEU-2” komandası ilə qarşılaşacaq. Rəqib heyətinə görə zəif olduğundan qrossmeysterimiz bu görüşdə iştirak etməyəcək. Birinci turda “Ural”a uduzan Şəhriyar Məmmədyarovun lideri olduğu “Spasio-Swis” klubu isə Vüqar Həşimovun çıxış etdiyi “Şatar-Metropol” komandası ilə qarşılaşacaq. V.Həşimov birinci lövhədə rəqibin ukraynalı lideri Ruslan Ponomaryovla, Ş.Məmmədyarov isə üçüncü lövhədə rusiyalı Pavel Trequbovla oynayacaq.

• Vəfa Musayeva: "Everestə elə gedirdim ki, sanki Azərbaycan məni döyüşə göndərmişdi"
• "Formula 1" üzrə Azərbaycan Qran-prisi üçün yeni tribunalar salınır
• Everest qalmaqalı: Zirvəni fəth edən ilk azərbaycanlı qadın kimdir?
• Anyma Formula 1 Azərbaycan Qran-Prisində çıxış edəcək
• Dünya Kubokunda medal qazanmış parapauerliftinqçilərlə görüş keçirilib